Д.ЭНХЭЭ

ОХУ-ын Улсын бүртгэл, кадастр, зураг зүйн холбооны алба (Росреестр – Федеральная служба государтсвенной регистрации, кадастра и картографии) Орос-Монголын улсын хилийн үргэлжлэх бүхий л уртын талаарх мэдээллийг үл хөдлөх хөрөнгийн улсын нэгдсэн цэс бүртгэлд оруулсан тухай тус байгууллагын хэвлэлийн албанаас баасан гаригт мэдээлжээ.

"Үл хөдлөх хөрөнгийн улсын нэгдсэн цэс бүртгэлд Оросын Холбооны улсын хилийн тухай мэдээлэл байх нь олон улсын тогтвортой, аюулгүй байдлыг үргэлжлүүлэх, найрсаг хөршийн харилцаа, хамтын ажиллагааны хөгжилд онцгой ач холбогдолтой. Холбогдох мэдээлэлд эдийн засгийн салбаруудын, түүний дотор байр зүйн зураг, атласыг зохиох, шинэчлэхэд хэрэгтэй зүйл байна” хэмээн мэдээлэлд дурдсан байна.

Орос-Монголын хилийн үргэлжлэх нийт урт 3,5 мянган км. Энэ хэсэг Тува, Буриад, Алтайн бүгд найрамдах улс, Байгалийн чанадын хязгаарын нутаг дэвсгэрт оршино.

Орос-Монголын (урьд нь зөвлөлт-монголын) хилийг ЗСБНХУ, БНМАУ-ын хооронд 1958, 1976 онд байгуулж гарын үсэг зурсан гэрээгээр тогтоосон. Хилийн байдлыг 1987-2001 онд хоёр талын комисс шалгасан. Хилийн байдлыг шалгасан баримт бичгийг Орос улсын Засгийн газрын шийдвэрээр баталгаажуулсан.

Урьд нь Үл хөдлөх хөрөнгийн улсын нэгдсэн цэс бүртгэлд Латви, Литва, Польш улстай Орос улсын хиллэдэг хэсгийн тухай мэдээлэл оруулжээ. Үүнээс гадна кадастрын танхимаас Амар мужид 1,2 мянган км гаруй, Приморийн хязгаарт 1 мянга гаруй км урт үргэлжилдэг Хятад улстай хиллэдэг Орос улсын хилийн хэсэг, мөн Хойд Солонгос улстай 39,8 км үргэлжилдэг хилийн хэсгийг Үл хөдлөх хөрөнгийн улсын нэгдсэн цэс бүртгэлд тус тус  оруулсан гэж ТАСС агентлагийн мэдээнд дурдсан байна.

Эх сурвалж: www.polit.mn