• Зууны мэдээ сонин онлайн захиалга

Францын Ерөнхий сайд огцорч байгаагаа зарлав

2020-07-04 07:35

Францын Ерөнхий сайд  Эдуар Филипп

© PA-EFE/LUDOVIC MARIN / POOL

 

Д.ГЭРЭЛТ

Эдуар Филиппийн тэргүүлсэн  Францын Засгийн газар огцорч байгааг баасан гаригт зарлалаа. Елисейн ордноос гаргасан мэдэгдэлд “Эдуар Филипп Засгийн газар огцорч байгааг талаар  Ерөнхийлөгчид өргөн мэдүүлсэн” гэсэн байна.  Шинэ Засгийн газар томилогдтол өнөөгийн танхим үйл ажиллагаагаа хэвийн үргэлжлүүлэн ажиллана гэдгийг мэдэгдэлд дурджээ.

Францын хэвлэл мэдээллийн хэрэгслүүд тус улсын Ерөнхийлөгч болон Ерөнхий сайд нар зөрчилтэй байгаа талаар өмнө нь мэдээлж байсан. Энэ зөрчлийг зургадугаар сарын 28-нд болсон  Хавр хотын захирагчийн сонгуультай улам хурцатгасан гэх мэдээллүүд ч гарч байжээ.

Францын Ерөнхийлөгч  Эммануэль Макрон пүрэв гаригт цар тахал-коронавирусын халдвар дахин идэвхжиж байгаатай холбоотойгоор Засгийн газарт өөрчлөлт хийнэ гэдгээ мэдэгдэж байсан билээ.


Эх сурвалж: www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ