Найм дахь удаагийн парламентыг хэн удирдах вэ?

2020-06-30
Нийтэлсэн: Админ
 4 мин унших

Т.БАТСАЙХАН

 

Найм дахь удаагийн парламентын сонгууль болж, өчигдөр шинээр сонгогдсон гишүүдэд түр үнэмлэхийг нь гардууллаа. МАН 62,  АН 11,  “Та бидний эвсэл” нэг, “Зөв хүн электорат” эвсэл нэг, бие даагч нэг гэсэн бүтэцтэй парламент байгуулагдаж байна.  Энэ долоо хоногт Ерөнхийлөгч Х.Баттулга анхдугаар хуралдааныг зарлах товтой байна.  Анхдугаар хуралдаанд шинээр сонгогдсон гишүүд тангаргаа өргөснөөр бүрэн эрхээ албан ёсоор хэрэгжүүлж эхэлнэ.  Мөн өнгөрсөн тавдугаар сарын 25-наас эхлэн хэрэгжсэн Үндсэн хуулийн өөрчлөлтүүд найм дахь удаагийн парламентын үед биелэлээ олж буйгаараа онцлог юм.

 

Өөрчлөн баталсан тангаргийн үг уншина

 

УИХ-ын тухай хуулийн дагуу шинээр сонгогдсон гишүүдээс хамгийн ахмад нь анхдугаар чуулганыг товлон явуулдаг байв. Гэвч 2012 оны сонгуулийн дараа МАН анхдугаар чуулгантай зэрэгцүүлэн Бага хурлаа хуралдуулж, мөн сонгуулийн үр дүнг хүлээн зөвшөөрөхгүй бойкот хийснээс болж анхдугаар чуулганы хуралдаан гацаж байв. Иймээс хуульд өөрчлөлт орж Ерөнхийлөгч  анхдугаар чуулганыг товлон зарладаг болсон.  Харин хамгийн ахмад гишүүн нь УИХ-ын гишүүний тангаргийн үгийг уншиж байхаар хуульчилсан. Тиймээс анхдугаар чуулганаар Баян-Өлгий аймгаас сонгогдсон Х.Баделхан гишүүн тангаргийн үгийг унших юм байна. УИХ-ын гишүүний тангаргийн үгийг өнгөрсөн хаврын чуулганаар өөрчлөн баталсан юм.  Тодруулбал, “Монгол Улсын Их Хурлын гишүүн би ард түмнийхээ элчийн хувьд нийт иргэн, улсын ашиг сонирхлыг эрхэмлэн, төрт ёс, түүх, соёлынхоо уламжлалыг хүндэтгэж, Монгол Улсын Үндсэн хуулийг дээдлэн сахиж, авлига, ашиг сонирхлын зөрчлөөс ангид байж, гишүүний үүргээ чин шударгаар биелүүлэхээ тангараглая. Миний бие энэ тангаргаасаа няцвал хуулийн хариуцлага хүлээнэ” гэж өөрчилжээ.

 

Дараагийн спикер хэн бэ?

 

Шинэ парламентын спикер хэн байх вэ гэдэг асуудал анхаарал татаж байна.  МАН дотор энэ суудалд өрсөлдөх хүн цөөнгүй бий. Гэхдээ одоогийн УИХ-ын дарга Г.Занданшатарыг хэвээр үлдээнэ гэсэн яриа байгаа бол УИХ-ын гишүүн Л.Оюун-Эрдэнийн нэр ч яригдаж байгаа юм байна.  Мөн Дундговь аймгаас сонгогдсон Сү.Батболд ч УИХ-ын дарга байж болох хувилбар. УИХ-ын дарга хүн юуны түрүүнд парламентын туршлагатай, ахмад гишүүн байх ёстой. Тэгэхээр  Л.Оюун-Эрдэнэ энэ суудалд төдийлөн тохирохгүй болов уу.  Харин гол өрсөлдөөн  Г.Занданшатар,  Сү.Батболд хоёрын дунд явагдах төлөвтэй байна. 

 

Засгийн газраа шинэ хуулийн дагуу байгуулна

 

Шинэ парламентын дараагийн чухал ажил нь Засгийн газраа  эмхлэн байгуулах юм. Үндсэн хуулийн нэмэлт, өөрчлөлтөөр Ерөнхий сайд томилогдсоны дараа Засгийн газрын бүтцээ Ерөнхийлөгчтэй зөвшилцөж, УИХ-д өргөн мэдүүлэх зохицуулалттай. Тэгвэл Ерөнхий сайдаар МАН-ын дарга У.Хүрэлсүх улиран сонгогдохоо мэдэгдсэн байдаг.   Тэгэхээр тэрээр  шинэ Үндсэн хуулийн өөрчлөлтийн дагуу танхимын сайд нараа өөрөө томилно бас чөлөөлнө.  

Энэ талаар Үндсэн хуулийн 39.2-т Монгол Улсын Ерөнхий сайд Засгийн газрын бүтэц, бүрэлдэхүүн, түүнд өөрчлөлт оруулах саналаа Ерөнхийлөгчтэй зөвшилцөн Улсын Их Хуралд өргөн мэдүүлнэ. УИХ-д өргөн мэдүүлсний дараа сайдад нэр дэвшигч бүрээр нь хэлэлцэж, томилно гэж заажээ.  Мөн хуулийн өөрчлөлтөд УИХ-д олон суудал авсан намаас нэр дэвшүүлсэн хүнийг Ерөнхий сайдаар томилох саналыг Ерөнхийлөгч тав хоногийн дотор УИХ-д танилцуулах зохицуулалттай. Мөн Засгийн газрын гишүүнийг УИХ, Ерөнхийлөгчид танилцуулснаар Ерөнхий сайд томилж, чөлөөлж, огцруулна. Засгийн газрын гишүүн УИХ-д тангараг өргөнө гэж заасан билээ.

Дараагийн нэг  чухал зүйл нь  одоогийн Засгийн газар 14 яам, ЗГХЭГ-ын дарга буюу сайд, Шадар сайд, Ерөнхий сайд гэсэн бүрэлдэхүүнтэй.

Өөрөөр хэлбэл, 14 сайдтайгаар үйл ажиллагаа явуулж байна.  Тэгвэл эрх баригч МАН ирэх жилд тэргүүн шадар сайд, соёлын асуудал хариуцсан яам, Хөгжлийн бодлого тодорхойлох яам гэсэн хоёр шинэ бүтэц байгуулахаар төлөвлөж байгаа гэнэ. Ингэснээр нийт 16 яамтай болж,  түүнийг дагаж сайд нар томилогдоно гэсэн үг юм.  Парламентаас дөрвөн хүн л давхар дээлтэй байж болно.  Бусдыг нь гаднаас томилох учраас МАН дотор Засгийн газрын бүтэц бүрэлдэхүүнийг батлах асуудал ид яригдаж байна.

 

32 шинэ гишүүн номын дуу сонсов

 

Энэ парламентад 32 хүн шинээр сонгогдсон байдаг.  Өчигдөр шинээр сонгогдсон гишүүд түр үнэмлэхээ гардахдаа нэлээд будилав. 

Тухайлбал,  Хан-Уул  дүүргээс сонгогдсон Т.Доржханд пүүзтэй ирж, Төрийн ордны хамгаалалтын албаныхан түүнийг ордонд нэвтрүүлэхгүй гэсэн асуудал яригдав.  Мөн  Дархан-Уул аймгаас сонгогдсон гишүүн Г.Дамдинням хэвлэлийнхэнд  “Хамгийн түрүүнд Дарханы замыг ашиглалтад оруулна” гэх яриа өгсөн байдаг.  Түүнийг сайдаар биш УИХ-ын гишүүнээр сонгогдсоноо сайн ойлгоогүй явна гэх шүүмжлэл  гарч байв.  Түүний дараа шинээр сонгогдсон 32 гишүүнд  УИХ-ын Тамгын газраас сургалт явуулав.

“Улсын Их Хурлын чуулганы хуралдаан, дэгийн зохицуулалт” сэдвээр УИХ-ын Тамгын газрын Ерөнхий нарийн бичгийн дарга Л.Өлзийсайхан, “УИХ-ын гишүүний ёс зүй” сэдвээр УИХ-ын гишүүн, Ёс зүйн дэд хорооны дарга Б.Бат-Эрдэнэ, “УИХ-ын хянан шалгах үйл ажиллагаа” сэдвээр УИХ-ын Тамгын газрын Хууль, эрх зүйн асуудал хариуцсан нарийн бичгийн дарга Н.Цогтсайхан, “УИХ-ын гишүүний төсөв, хангамж, үйлчилгээ” сэдвээр УИХ-ын Тамгын газрын Дотоод аудитын албаны дарга бөгөөд дотоод аудитор Я.Баттогтох нар тус тус хичээл заажээ.

Эх сурвалж: “Зууны мэдээ” сонин

2020.6.30  МЯГМАР № 126 (6351)

 

Х.Баттулгыг ҮАБЗ-ийг тэргүүлж байхад “Бодь”-ийн гэрээг нууцад авах зөвлөмж гарчээ

Эрх баригч намын удирдлагуудын маргаан явсаар Төрийн өндөрлөгүүдийн толхилцоон болж хувирсан. “Сал

6 цаг 36 мин
О.Батнайрамдал “…Намайг бүртгэлгүй машинаар дагасан” гэдэг бол наргиа биш ноцтой асуудал

УИХ-ын гишүүн О.Батнайрамдал өнгөрсөн долоо хоногт “…Намайг хуурамч улсы

6 цаг 36 мин
Н.Энхбаяр: Л.Оюун-Эрдэнэ нар улс төрд зориуд эмх замбараагүй байдал үүсгэж байна

Монгол Улсын гурав дахь Ерөнхийлөгч Н.Энхбаярын “ТВ-9” телевизэд өгсөн цаг үеийн ярилцлагыг бүрэн эхээр нь хүргэж байна.

6 цаг 36 мин
“...Миний орон сууцнуудыг бусдад худалдаж, гэр бүлийг цахим сүлжээгээр гүтгүүлж доромжлуулсан” гэх асуудлаар мөрдөх байгууллагуудад ханджээ

Эх орны зүүн хязгаар Дорнод улсын нийслэл Улаанбаатарыг дамнан үргэлжилж буй нэгэн таагүй явдлыг таниулаха

6 цаг 36 мин
Египет улс Д.Трампад улсынхаа дээд өргөмжлөлийг гардуулна

Газын зурваст гал зогсоох хэлэлцээрт албан ёсоор гарын үсэг зурсантай холбогдуулан

17 цаг 33 мин
Норвеги, Израилийн баг тоглохын өмнө Осло хотод Израилийн далбааг шатаажээ

2026 оны дэлхийн аварга шалгаруулах тэмцээний урьдчилсан

17 цаг 34 мин
FMC, Business Conference арга хэмжээнд 1000 орчим бизнесийн салбарын манлайлагчид оролцлоо

Монголын эдийн засгийн хөгжлийг түүчээлэгч аж ахуйн нэгж

19 цаг 20 мин
“Сургууль орчмын бүсэд үйл ажиллагаа явуулж буй “Шунхлай” ШТС-ыг нүүлгэхийг шаардаж байна” 

БЗД-ийн 14 дүгээр сургуулийн дэргэд үйл ажиллагаа явуулж буй Шунхлай ШТС-тай холбоотой асуудлаар эцэг эхчүүдийн төлөөлөл мэдээлэл хийлээ. 

21 цаг 2 мин
Маргарет Тэтчерийн талаар бараг мэддэггүй баримтууд

Аравдугаар сарын 13-нд Маргарет Тэтчерийн мэндэлсний 100 жилийн ой тохиож байна.

Өчигдөр 12 цаг 10 мин
АН-ын дарга “бодлого”-оороо Нобелийн энхтайвны шагналын “болзол” хангав уу?

МАН-аас “гарал үүсэл”-тэй Монголын төрийн хямрал үргэлжилж байна. “...Энэ долоо хоногт л

Өчигдөр 06 цаг 00 мин