• Зууны мэдээ сонин онлайн захиалга

Д.Нямхүү: Казахстанаас ирсэн нэг иргэнээс коронавирус илэрлээ

2020-06-29 12:07

Т.САЙХАН

ЭМЯ-наас /06.29/ ээлжит мэдээллээ хийж, коронавирусын нөхцөл байдлыг танилцууллаа.

Коронавирус-Монголд

"Зургадугаар сарынг 28-нд гурван лабораторид нийт 216 хүний сорьцод шинжилгээ хийхэд, 215-д нь коронавирус илрээгүй. Харин зургадугаар сарын 10-нд Нур Султан-Улаанбаатарын онгоцоор ирсэн нэг хүний гурав дахь давтан шинжилгээгээр  коронавирус илэрлээ. Тухайн иргэнээс зургадугаар сарын 10-нд эхний, 22-нд хоёр дахь, өчигдөр гурав дахь шинжилгээг хийхэд вирус илэрсэн байна. Тус онгоцоор ирсэн 10 хүнээс халдвар илэрсэн бөгөөд энэ удаагийнх 19 хоногийн дараа илэрч байна."Нийт батлагдсан 220 тохиолдлоос 175 хүнийг эмчилж, эдгээсэн. Ингээд нийт батлагдсан тохиолдол 220 боллоо. Үүнээс 175 хүнийг эмчилж, эдгээсэн. Одоо эмчилгээнд 45 хүн байгаагийн биеийн байдлыг үнэлбэл 36 нь хөнгөн, ес нь хүндэвтэр байгаа" гэж ХӨСҮТ-ийн захирал Д.Нямхүү мэдээлэв.

Коронавирус-Дэлхийд

Сүүлийн хоёр долоо хоногийн дотор дэлхий дахин өвчлөл хоёр саяар нэмэгдэж, нийт өвчлөлийн тоо 10 саяд хүрлээ.24 цагийн дотор л гэхэд шинээр 171 мянган хүн халдвар авч, 4,000 гаруй хүн эндсэн байна. Мөн БНХАУ, Их Британи, АНУ зэрэг олон улсын халдварт өвчний загварчлалын эрдэмтдийн тооцоолсноор  дэлхий нийтэд хүн амын 5 хувь буюу 1.7 тэрбум коронавирусээр өвдөж, хүндрэх эрсдэлтэй гэж үзжээ.

Коронавирус- АНУ-д

АНУ-д 44.600 тохиолдол, 651 нас баралт шинээр бүртгэгдлээ.  Ингэснээр тус улсад нийт халдвар авсан хүний тоо 2459000-д хүрч, 124900 гаруй хүн амиа алджээ. АНУ-ын баруун болон өмнөд хэсгийн мужуудад халдварын тархалт өндөр байна. Тухайлбал, Калифорни, Техас, Флорида зэрэг мужид 100 мянгаас дээш тооны хүн халдвар авсан нь батлагджээ

Коронавирус- Энэтхэг Улс-д

Зүүн Өмнөд Азийн бүсийн БНЭУ-д өчигдөр 18,500 гаруй шинэ тохиолдол бүртгэгдлээ. Ингэснээр Энэтхэг улсын батлагдсан халдварын тоо өссөн дүнгээр 509 мянгад хүрлээ. Мөн өдөр 385 хүн эндэж, коронавирусийн улмаас нас барсан хүний тоо 15,685 болжээ.

ДЭМБ-ын уриалга

Вакцин эм гартал бид өөрсдөдөө байгаа арга хэрэгслээ ашиглан вирусын тархалтыг бууруулах ам угаах, зай барих, хөл хорио зэрэг арга хэмжээг нөхцөл байдалдаа тохируулж үе шаттай авахыг уриалсан. ДЭМБ-аас өнгөрсөн долоо хоногт улс, орнуудын вирусийн эсрэг авах арга хэмжээний удирдамжийг шинэчилсэн. Эмнэлгийн бэлэн байдлыг хангах болон үйл ажиллагааны бэлэн байдал, хөрөнгө оруулалтын хэмжээг шалгах хуудсыг зургаадугаар сарын 25-нд шинээр гаргасан. Шалгах хуудаст эмнэлгийн засаглал, төлөвлөгөө, заавар журам зэрэг багтаж буй.

Эх сурвалж: www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ