Т.САЙХАН

УИХ-ын сонгуулийн Хэнтий аймаг дахь тойрогт нэр дэвшигч Э.Бат-Үүл Ерөнхий сайд У.Хүрэлсүхийг халз мэтгэлцээнд дуудаад байгаа билээ.  Тэгвэл өнөөдөр /06.08/ УИХ-ын 2020 оны сонгуулийн 28 дугаар тойрогт АН-аас нэр дэвшигч О.Магнай, Г.Очирсүрэн, П.Цэцэгмаа нар мэдээлэл хийж, МАН-аас Сонгинохайрхан дүүргийн 28 дугаар тойрогт нэр дэвшиж буй Н.Учрал,  Д.Сумъяабазар, П.Анужин нарыг халз мэтгэлцээнд дуудлаа.

Энэ талаар нэр дэвшигч О.Магнай  “УИХ-ын сонгуулийн сурталчилгаа өнөөдөр найм дахь өдрөө үргэлжилж байна. Өнгөрсөн өдрүүдэд СХД- ийн олон иргэнтэй уулзлаа. Иргэдийн ярьж байгаа зүйлс эрх баригчдын ярьж байгаатай алд дэлэм зөрүүтэй байна.Тиймээс МАН-ын нэр дэвшигчдийг багаар нь мэтгэлцээнд урьж байна. Хархорин зах дээр Лхагва гаригт 12.00 цагт ирэхийг урьж байна. Иргэдийн өмнө асуудлыг бодитой ярьж, эрх баригчид худлаа яриад байна уу эсвэл иргэд  “Амьдрал сайжраагүй” гэж худал яриад байна уу гэдгийг сонсъё. УИХ-ын 28 дугаар тойрогт нэр дэвшиж буй МАН-ын нэр дэвшигчид мэтгэлцээнд оролцоно гэдэгт найдаж байна. Улс төрийн сонгууль бол иргэдэд сонголт хийхэд тодорхой байх ёстой” гэлээ.

Эх сурвалж:www.polit.mn