Т.САЙХАН

Японы мэргэжлийн сүмо бөхийн 70 дахь Их аварга Харумафүжи Д.Бямбадорж үндэсний бөхийн “Хантайшир” дэвжээний тэргүүнээр сонгогджээ. Их аварга саяхан болсон “Хантайшир” дэвжээний удирдах зөвлөлийн хурлаар тэргүүнээр сонгогдсон бол зөвлөлийн гишүүдээр нь Н.Ганбаатар, З.Алтанзул, М.Батбаяр, З.Мөнхзул, Д.Лхагвадорж, Г.Чинзориг, Ж.Сэргэлэн, М.Машбат, С.Лхагвабаатар, Л.Билэгжаргал, Р.Жаргалсайхан, Х.Бат-Эрдэнэ, Д.Амарбаясгалан, Ж.Бат-Эрдэнэ нар сонгогдож, шинэ зөвлөл байгуулжээ.

Тэрээр эх орондоо “Шинэ Монгол Харүмафүжи” сургуулийг нээн ажиллуулж байгаа бөгөөд аймаг, сумынхаа эмнэлэгт түргэний машин бэлэглэж олны анхааралд өртөх нь бий. Харумафүжи Д.Бямбадорж 28 насандаа Японы мэргэжлийн сумо бөхийн Макүүчи буюу дээд зиндааны 2012 оны долоо, есдүгээр сард дараалан түрүүлснээр 70 дахь Их аварга цол хүртсэн байдаг. Тэрээр гадаадын тав дахь, Монголын гурав дахь Их аварга /Ёкозүна/ цолтноор тодорч байсан хүчтэн билээ.

Эх сурвалж:www.polit.mn