Т.САЙХАН
МАХН, ИЗНН, МУНН хамтран “Та бидний эвсэл” байгуулж, УИХ-ын сонгуульд оролцохоо мэдэгдсэн. Эвслээс энэ сарын 15-нд нэр дэвшигчдээ албан ёсоор зарлах юм. “Та бидний эвсэл”-ийг төлөөлж МАХН-ын дэд дарга С.Ганбаатар Орхон аймагт нэр дэвшихээр яригдаж буй. Түүний хувьд 2012 оны УИХ-ын сонгуулиар Дархан-Уул аймагт бие даан нэр дэвшиж, ялалт байгуулж байсан. Улмаар 2017 оны Ерөнхийлөгчийн сонгуульд нэр дэвшиж чамгүй хүчтэй өрсөлдөгч болохоо харуулсан юм. Тэгэхээр МАХН-ын дэд дарга С.Ганбаатар аль ч тойрогт очсон хүчтэй өрсөлдөгч болно гэсэн үг. Ялангуяа сүүлийн үеийн судалгаагаар Дархан-Уул аймагт түүний рейтинг өндөр байгаа юм. Түүнчлэн Дархан-Уул аймагт “Та бидний эвсэл”-ээс МАХН-ын ЕНБД Б.Тулга өрсөлдөхөөр яригдаж буй. Харин МАН-аас Монголын төмөр замын дарга асан Б.Цэнгэл , УИХ-ын даргын зөвлөх Ж.Сүхбаатарын нэр яригдаж байгаа. Түүнчлэн уул уурхайн бодлого судлаач Г.Дамдиннямыг дэвшүүлж магадгүй гэх яриа ч байна. АН-аас Н.Мөнхдаш, Ерөнхийлөгчийн зөвлөх Р.Булгамаа нар горилж яваа сурагтай байна.
Эх сурвалж:www.polit.mn