“Ажлын байраа хадгалахын тулд бүх хүчээ дайчилж байна”

2020-04-08
Нийтэлсэн: Админ
 3 мин унших

Б.НАМУУНТАМИР

 

ТВ-9 телевизийн эрхлэн гаргадаг “Монгол коммент” нэвтрүүлгээр төмөр замчдын хөдөлмөрлөх эрхийн хамгаалал зөрчигдөж буй талаар Монголын төмөр замчдын Үйлдвэрчний эвлэлийн холбооноос “Үндэсний мэдээллийн төв”-д мэдээлэл хийснийг хөндөж ярьсан юм. Монголын төмөр замчдын Үйлдвэрчний эвлэлийн холбооны тэргүүн Б.Баяраатай ярилцлаа.

 

-Дэлхий нийтэд тархсан коронавирусаас шалтгаалан Ерөнхий сайд У.Хүрэлсүх эдийн засгийн хямралын эсрэг авч хэрэгжүүлэх арга хэмжээгээ танилцуулж, хөнгөлөлт чөлөөлөлтөд хэрхэн хамруулах талаар хэлсэн.  Үүнд төмөр замчид хамрагдахгүй байгаа талаар мэдээлэл хийсэн байна. Энэ талаар тодруулаач?

-Улс орон битгий хэл дэлхий нийтийг хамарсан ийм эрсдэлтэй үед ихэнх ачааллыг тээврийн байгууллага үүрдэг. Хүмүүсээ татан авч ирэхээс эхлээд, хүнсний хэрэгцээ гээд эрсдэл бүхий нөхцөл байдалд ажиллаж, хамгийн түрүүнд эрсдэлд ордог юм байна. Өмнө нь ийм нөхцөл байдал үүсч байгаагүй учраас өмнө анзаардаггүй байж. Онцгой нөхцөл байдлын үед хөл хорио тогтооход бүх салбар зогсонги байдалд орж, ачаа тээвэр л ажиллаж байна. Ерөнхий сайдын гаргасан шийдвэрийг бохир өнцгөөр харвал, хувийн том хэвшлүүд хожих магадлал өндөр байгаа юм. Төрд зүтгэдэг аж ахуйн нэгжүүд хохирч байна. Тухайлбал, 5-6 сая төгрөгийн цалинтай хувийн хэвшлийн ажилчид  ХХОАТ, НДШ-ээ чөлөөлүүлэх эрх үүсч байдаг.  Төрд сая төгрөгийн төлөө өдөр шөнөгүй ажиллаж байгаа хүмүүс энэ шийдвэрт хамрагдахгүй байгаа нь хэтэрхий учир дутагдалтай байна.

-ААН-ийг төрийн болон хувийн хэвшил гэж ялгаварлалгүйгээр НДШ-ээс чөлөөлж өгөхийг Ерөнхий сайдад шаардлага хүргүүлсэн юм уу?

-Улаанбаатар төмөр зам ХНН нийт 16 мянга орчим ажилтантай ба 2019 онд нийт ХАОАТ-т 26.9 тэрбум төгрөг төлсөн. Ажил олгогчийн төлсөн НДШ нь 46.2 тэрбум төгрөг, ажилчдын өөрөө төлсөн НДШ нь нийт 36.7 тэрбум төгрөг байна. Өөрөөр хэлбэл, 2019 онд нийт 109.7 тэрбум төгрөгийн татвар шимтгэлийг төлсөн. Гэтэл энэ их татвар шимтгэл төлдөг байгууллага өнөөдөр төрийн оролцоотой гэдэг шалтгаанаар татварын хөнгөлөлт, чөлөөлөлтөд хамрагдахгүй байх нь шударга бус юм. Үүргээ биелүүлдэг, ажлын хүндийг үүрдэг хамт олонд төр өгөөжөө өгөх ёстой. Тийм учраас ААН-ийг төрийн болон хувийн хэвшил гэж ялгаварлалгүйгээр НДШ-ээс чөлөөлж өгөхийг Ерөнхий сайд У.Хүрэлсүхээс шаардан шаардлага хүргүүлж байгаа юм.

-Өнгөрсөн хугацаанд хэр их алдагдлыг үүрч байсан бэ?

- Төрийн оролцоотой ч улсаас татаас авалгүйгээр жилд 40 гаруй тэрбум төгрөгийн алдагдлыг өөрсдөө хүлээдэг. Шинэ коронавирусын халдварын улмаас он гарсанаас хойш 20 гаруй тэрбум төгрөгийн алдагдал хүлээгээд байна. Цар тахлын үед тээврийн салбар маш их алдагдал хүлээдгийг бид харлаа.

-Одоогоор хэчнээн хүн ажлын байрны цомхотголд өртөх эрсдэлд ороод байна вэ?

-УБТЗ-ын 400 гаруй цэцэрлэгийн багш, их дээд сургууль, МСҮТ-ийн 200 гаруй багш, урлаг, аялал жуулчлалын салбарын 100 гаруй ажилчид сул зогсолт хийж байна. Нэг ч ажлын байрны цомхотгол хийхгүйн тулд хөдөлмөрийн зохион байгуулалт хийн ажиллаж байна. Зарим ажилчдын ээлжийн амралтыг өгч, танаж болох бүхий л зардлыг хэмнэж, нэн шаардлагатай арга хэмжээг авсаар байгаа боловч нөхцөл байдал цаашид хүндрэн ажлын байрыг хадгалах оролдлого бодит байдал дээр хэрэгжихэд хүндхэн болоод байна.

-Нөгөөтэйгүүр, ажилчид ажлын байрны дарамтад их өртдөг гэлээ?

-Сүүлийн жилүүдэд хөдөлмөрлөх эрхийн зөрчил өсөж, гишүүдийн гомдол, санал ихээр гарах болсон. Бид эерэг хандлага, шударга ёс, хамтын түншлэлийн зарчмаа баримтлан холбогдох этгээдүүдэд удаа дараа анхааруулга хүргүүлж, түншлэлийн боломжит бүх л арга хэлбэрийг авсаар ирлээ. Гэвч бидний үйл ажиллагааг мушгин гуйвуулж, гүтгэх, нууцаар бичлэг хийж цацах, тагнах чагнах, дарамт үзүүлэх, сэтгэл санаа, эрүүл мэнд, нэр төрийг гутаах зэрэг зохион байгуулалттай үйл ажиллагааг их явуулж байна.  Иймээс Монголын төмөр замчдын Үйлдвэрчний эвлэлийн холбоо эдгээр асуудлыг арилгахын төлөө хатуу тэмцэнэ.

Эх сурвалж: “Зууны мэдээ” сонин

2020.4.8  ЛХАГВА  № 68 (6293)

 

Фото: Эрүүл мэндийн сэдэвт хэлэлцүүлэг боллоо

Фото: Эрүүл мэндийн сэдэвт хэлэлцүүлэг боллоо

3 цаг 38 мин
Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

4 цаг 5 мин
Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

4 цаг 8 мин
М.Оюунчимэг: Эмийн салбарын монополь байдал олон ноцтой асуудал үүсгэж байна

М.Оюунчимэг: Эмийн салбарын монополь байдал олон ноцтой асуудал үүсгэж байна

4 цаг 12 мин
Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

4 цаг 16 мин
Олон эмэгтэйн краш, улстөрч С.Баярцогт

Олон эмэгтэйн краш, улстөрч С.Баярцогт

4 цаг 32 мин
Г.Дэнзэн: Алдагдсан найман жилийн алдааг засах хөтөлбөр боловсрууллаа

АН-ын Стратеги бодлого, сургалт, судалгааны газрын дарга, 2024 оны УИХ-ын сонгуульд АН-аас дэвшүүлэх мөрийн хөтөлбөр боловсруулах ажлын хэсгийг ахалж ажилласан Г.Дэнзэнтэй Үндэсний аудитын газарт намынхаа мөрийн хөтөлбөрийг хүлээлгэн өгөх үеэр уулзаж ярилцсан юм.

10 цаг 41 мин
Энэтхэгийн сонгууль хамгийн өндөр өртөгтэй

Дэлхийн хамгийн олон хүн амтай Энэтхэг улс ирэх таван жилд улс орноо удирдах удирдагчдыг сонгохоор бэлтгэж байна. Тиймээс ч ирэх дөрөвдүгээр сарын 19-нөөс зургаадугаар сарын 1-нийг хүртэл үргэлжлэх парламентын сонгууль энэ улсын хувьд нүсэр ажил байх нь ойлгомжтой.

10 цаг 46 мин
Эрүүл мэндийн салбарыг цахимжуулах төсөл хэрэгжүүлсэн компанийг АТГ-т шалгуулна

Засгийн газрын өчигдрийн хуралдаанаас гаргасан шийдвэрийн талаар Эрүүл мэндийн сайд С.Чинзориг, Цахим, хөгжил харилцаа холбооны сайд Н.Учрал нар мэдээлэл хийлээ. Сайд нарын байр суурийг хүргэе.

10 цаг 52 мин
МАН-ын эмэгтэй нэр дэвшигчдийг Х.Булгантуяа, АН-ынхыг С.Одонтуяа өнгөлөх үү?

...Тэгэхээр нам, намын лидер эмэгтэйчүүд жагсаалтад “жагсаад” орж ирэхээр болж байгаа юм. Энэ боломж дээр хэн хэн гэдэг эмэгтэй улстөрчид “тоглох” вэ. Энэ бас сонин.

11 цаг 1 мин